Zgjedhjet e parakohshme në Kosovë do të mbahen 6 tetor.

Sipas burimeve të RTK-së, brenda presidencës, Thaçi ka vendosur që, në përputhje me afatet kushtetuese e ligjore, të shpallë zgjedhjet e parakohshme më 6 tetor.

Sipas ligjit, zgjedhjet e parakohshme duhet të mbahen jo më herët se 30 ditë dhe jo më vonë se 45 ditë, pas dekretimit të shpërndarjes së Kuvendit.

Presidenti Thaçi, me herët gjatë ditës dekretoi shpërndarjen e parlamentit të Kosovës, pak ditë pasi deputetët votuan për një gjë të tillë.

Vendimi për shpërndarjen e parlamentit dhe mbajtjen e zgjedhjeve të reja pasoi dorëheqjen e kryeministrit Ramush Haradinaj më 19 korrik pasi u thirr për t’u marrë në pyetje në Prokurorinë e Posaçme në Hagë e cila trajton pretendimet për krime lufte dhe të pasluftës në Kosovë.

/Ora News.tv/