Ish ministri i Brendshëm Fatmir Xhafaj abstenoi ndaj ndryshimeve në ligjin për vetingun të propozuar nga pasardhësi i tij Sandër Lleshaj. 

Tirane-  Parlamenti miratoi sot (28 mars 2019) ndryshimet në ligjin për vetingun në polici. SHÇBA do të kalojë në sitë dosjet për 12 mijë efektivë.

Ministri i Brendshëm Sandër Lleshaj është shprehur se me këtë draft do të kemi një dinamik të shtuar për procesin.

Sadër Lleshaj: Vlerësimi do të kryhet në tre faza, 300 në të parën, 3000 në të dytën dhe 9 mijë punonjës në të tretën. Eshtë parashikuar ngritja e komisioneve dhe sekretariateve mbështetëse. Rreht 390 persona do të merrem me vetingun. 

Kundër është shprehur paraadhësi i Sandër i Lleshajt, Fatmir Xhafaj i cili tha se ndryshimet nuk janë të duhurat dhe se kjo gjë do cënojë cilësinë e vettingut në polici. 

Xhafaj: Nuk është herezi ndryshimi i ligjit. Nuk ka ligj perfekt dhe përher ka vend për reflektime. Gjithsesi në vlerësimin tim, ndryshimet që i bëhen ligjit nuk janë ndryshimet e duhura për disa arsye :

Së pari, druaj se nga ky mekanizëm mund të cenohet pavarësia, paanshmëria dhe besueshmëria e vet procesit. Kemi të bëjmë me një skanim të një lloji të veçantë që në gjykimin tim nuk mund të bëhet, për herë të parë, nga SHCBA, një organ në varësi të Ministrit të Brendshëm. Jo pa qëllim në mekanizmin ekzistues në ligj, për fazën e dytë dhe të tretë, parashikohet që komisionet të përbëhen nga punonjës të vetë organeve që kalojnë me sukses në fazat paraardhëse. 

Së dyti, mendoj se cenohet cilësia dhe shpejtësia e vetë procesit. Ndoshta gabohem, por për momentin dhe për shumë kohë SHCBA nuk ka e nuk mund të ketë kapacitetet e duhura për ta kryer këtë lloj procesi. Ti besosh vetingun e 13 mijë punonjësve një institucioni që ka në total rreth 110 punonjës, përfshirë ata që kryejnë detyra të tjera të caktuara me ligj apo ata të shërbimeve mbështetëse, vlerësoj se do ta ngadalësojë më shumë procesin. 

Asnjë punonjës i ndershëm në Policinë e Shtetit apo institucionet e tjera nuk i trembet këtij procesi.

Fatmir Xhafaj:"E gjithë pjesa e shëndetshme ndër to e ka kuptuar qartazi se vetingu është një instrument vlerësimi dhe certifikimi për të gjithë ata që përditë rrezikojnë jetën për ne të gjithë, për të gjithë ata që sakrifikojnë çdo orë të ditës e të natës për t’ju shërbyer qytetarëve.

Sipas Xhafajt policia është nën sulm pasi me operacionet e realizuara ka prekur interesa të deputetëve.

"Jam i vetëdijshëm se reforma ka prekur jo pak interesa ne grupe kriminale por dhe disa politikaneve dhe një pjese të mediave."

Iniciativa e ndryshuar nga Lleshajt- Iniciativa për "vetting" të të gjithë Policisë së Shtetit u ndërmor nga Xhafaj, gjatë kohës së ai mbante postin e Ministrit të Brendshëm.   Por Lleshaj ka kërkuar realizimin e disa ndërhyrjeve në ligjin ekzistues për Vettingun.

Ai tha se ndryshimet e propozuara nuk prekin thelbin e procesi të Vettingut, por për të përshpejtuar procesin.

"Problemi themelor  që lidhet me këtë situatë ka të bëjë me kohën, e cila është në dispozicion për të mbyllur procesi e Vettingut. Sipas ligjit aktual, procesi i Vettingut për 13 mijë punonjës të Ministrisë së Brendshme duhet të mbyllet në marsin e vitit të ardhshëm, ndërkohë që procesi ende nuk ka filluar dhe praktikisht është e vështirë, për të mos thënë e pamundur, që ky proces të mbyllet ashtu sikundër ligji e parashikon, pra në marsin e vitit të ardhshëm,"-tha Lleshaj.

Ndërsa shtoi se: "Një arsye tjetër që ka të bëjë me kërkesën për të ndryshuar ligjin lidhet me volumin e madh administrative që kërkohet për të realizuar atë, kërkohet që rreth 240 punonjës me kohë të plotë, nga strukturat e Policisë dhe të SHÇBA, të shkëputen nga funksioni i tyre bazë dhe ti dedikohen Vettingut me kohë të plotë, pra kjo është një volum shumë i madh administrativ dhe këtij volumi administrativ  i bashkëshoqërohet dhe një faturë jo e parëndësishme financiare, e cila shkon rreth 3 milionë dollarë, kosto e parashikuar e këtij procesi."

Drafti morri votën pro të mazhorancës por dhe abstenimin e ish ministrit Fatmir Xhafaj.

Lexoni lajmin e plotë: Ministri Lleshaj: Kostoja e vettingut në polici, 3 mln dollarë


/Ora News.tv/