Vrau prindërit, gruan dhe fëmijët, lirohet nga burgu doktori

Një francez që vrau prindërit, gruan dhe fëmijët e tij, një ngjarje që frymëzoi një libër dhe dy filma, u lirua pas 26 vitesh burg.

Para vrasjeve, Jean-Claude Romand, tani 65 vjeç, kaloi 18 vite duke pretenduar se ishte student mjekësie dhe pastaj studiues në Organizatën Botërore të Shëndetësisë (ËHO).

Ai në fakt po bënte para duke ia marrë miqve të familjes me pretendimin se do i investonte ato në Zvicër.

Romand kreu vrasjet në vitin 1993 pasi mashtrimi i tij ishte gati duke u ekspozuar.

Vrasësi, i cili konsiderohej si një student model, nuk arriti të paraqitej provimin e tij të parë në shkollën mjekësore në Lyon në vitin 1974.

Ai u lejua të përsëriste vitin e parë për 12 vitet e ardhshme dhe kurrë nuk e mori provimin.

Sidoqoftë u tha shokëve të tij se ishte duke ndjekur studimet dhe se përfundimisht ishte bërë mjek.

Ai vazhdoi të pretendonte se ishte punësuar në OBSH me bazë në Gjenevë.

Në fakt ai po kalonte ditët e tij duke vozitur pranë zonës kufitare midis Francës dhe Zvicrës, dhe herë pas here vizitonte shërbimin e informacionit publik të OBSH.

Në vitin 1980 u martua me të dashurën e tij dhe u bënë me dy fëmijë deri në fund të viteve 1980.

Ai ndonjëherë i thoshte familjes së tij se ishte në udhëtime jashtë vendit, pastaj qëndronte në zonat e pushimit në autostradë për disa ditë dhe kthehej në shtëpi me dhurata.

Romandi jetonte fillimisht me paratë e fituara nga shitja e apartamentit që prindërit i blenë në Lyon.

Kur i mbaruan paratë, filloi ti merrte të afërmve dhe miqëve me pretendimin se do i investonte kursimet e tyre në skemat ku ai kishte qasje si punonjës i OKB-së.

Në fund të vitit 1992 disa nga të afërmit e tij po i kërkonin paratë e tyre.

Një mik i familjes dyshoi pasi zbuloi se emri i Romand nuk ishte në listën e stafit të OBSH.

Në janar të vitit 1993, ai vrau fillimisht gruan e tij me një okllai në shtëpinë e tyre, më pas vajzën 7-vjeçare dhe djalin 5-vjeçar me pushkë.

Të njëjtën ditë udhëtoi, udhëtoi më shumë se 80 km në shtëpinë e prindërve dhe i vrau të dy, si dhe qenin e tyre.

Ai u kthye në shtëpi, ku gruaja dhe fëmijët e tij u vranë, dhe i vuri zjarrin shtëpisë dhe mori pilula gjumi.

Megjithatë, Romand u shpëtua nga zjarrfikësit. Më pas u arrestua dhe rrëfeu gjithë ngjarjen.

Ai u dënua për vrasje në vitin 1996.


EMISIONET