Vrasja e Ivanoviç, lëshohet urdhër-arrest për Millan Radoiçiç

Vrasja e Ivanoviç, lëshohet urdhër-arrest për Millan

Prokuroria Special e Republikës së Kosovës ka kërkuar nga Gjykata Themelore në Prishtinë që të lëshojë urdhër-arrest për Millan Radoiçiç, si një prej personave të dyshuar për rastin e vrasjes së Oliver Ivanoviçit.

Këtë e ka konfirmuar për Radion Evropa e Lirë, prokurori Sylë Hoxha, i ngarkuar për komunikim me mediat nga Prokuroria Speciale e Kosovës. Ai ka thënë se autoritetet në Kosovë janë në kërkim të nënkryetarit të Listës Serbe, Millan Radoiçiç, për rastin 'Ivanoviç'.

Oliver Ivanoviç, lider i nismës qytetare “Liria, Demokracia dhe Drejtësia”, është vrarë me 16 janar të vitit 2018, para zyrës së partisë së tij në Mitrovicën Veriore.

Policia e Kosovës, më 23 nëntor të vitit 2018, gjatë një aksioni në Mitrovicën Veriore, ka arrestuar tre persona, të cilët dyshohet se janë të ndërlidhur me vrasjen e Ivanoviçit. Milan Radoiçiç, nënkryetar i Listës Serbe, nuk është gjetur në banesën e tij, gjatë aksionit të policisë dhe ai ende po ndiqet nga policia./REL

EMISIONET