Vrasja e babait të dy fëmijëve, autori i arrestuar: Nuk e dija që e godita aq shumë
I arrestuari për vrasjen e 32 vjeçarit shqiptar në Itali, ka preferuar të heshtë, duke mos thënë asnjë sqarim në lidhje me krimin që i mori jetën shtetasit Arben Kola, babai i dy fëmijëve.
Në pranga ka përfunduar Marsel Disha Romelli, i cili ka deklaruar në polici një fjali të vetme: "Nuk mendova se e godita atë aq shumë".
Edhe para prokurorit publik, pas ndryshimit të tre avokatëve, 26 vjeçari shqiptar nuk e ka ndryshuar taktikën, duke përdorur të drejtën për të heshtur.
Hetuesit po përpiqen të rindërtojnë atë që ndodhi në momentet e fundit të jetës së Arben kolës, një marangoz i papunë dhe babai i dy fëmijëve të vegjël.
Menjëherë pas luftës, agresori është larguar nga vendi i ngjarjes me shpejtësi, por është identifikuar dhe arrestuar brenda një kohe të shkurtër nga policia, të cilët gjithashtu i dhanë atij lajmin e vdekjes së "rivalit".
Të dy kishin njohje midis tyre për disa kohë dhe gjithashtu kishin precedentë në lidhje me tregtimin e drogës.
Megjithatë, arsyeja për mosmarrëveshjen e fundit që çoi në vdekjen e 32 vjeçarit, ende nuk është qartësuar, ndërsa po punohet edhe për identifikuar armën që dëmtoi viktimën.
Mund të jetë një kaçavidë apo ndonjë copë shishe ajo që i dëmtoi arterien kryesore viktimës pasi u godit vazhdimisht në pjesën e gjoksit.
Ngjarja e rëndë ndodhi në një sallë lojërash fati në zonën e Chiarit në provincën e Brescia natën e së mërkurës.