Veseli: Jemi afër arritjes së një konsensusi për Demarkacion

Veseli: Jemi afër arritjes së një konsensusi për Demarkacion

Kryetari i Kuvendit dhe njëherësh kryetari i Partisë Demokratike të Kosovës, Kadri Veseli ka paralajmëruar takime të tjera mes subjekteve politike për të arritur një marrëveshje për ratifikimin e Demarkacionit me Malin e Zi.

Në një intervistë për RTK-në, Veseli tha se janë zhvilluar biseda të gjata në zyrën e tij dhe konsensusi është afër.

Në lidhje me këtë ai ka siguruar qytetarët e Kosovës se deri të mërkurën do të arrihet një marrëveshje dhe demarkacioni do të kalojë.

Veseli theksoi se ka një dialog konstruktiv mes palëve për të arritur një marrëveshje. Dallimet në diskutime ka thënë se janë të vogla dhe sipas tij ato do të tejkalohen për të quar përpara demarkacionin, si një proces me interes nacional.

Miratimi i kësaj marrëveshje, ka thënë kryeparlamentari Veseli, do ta forcojë sovranitetin e Kosovës dhe do të mundësojë lëvizjen e lirë të qytetarëve të Kosovës në zonën shengen.

EMISIONET