U zhduk në sheshin e lojërave, 4 vjeçari shqiptar gjendet i vdekur në lumë
Trupi i vdekur i 4-vjeçarit, Zenel M., është gjetur i vdekur në lumin pranë parkut të lojërave ku ai u zhduk në Wildegg të Zvicrës.
Djali ishte me nënën e tij Burbuqe ., kur u zhduk papritmas pasditen e së enjtes rreth orës 16:30.
Trupi i tij i pajetë u gjet pasditen e së premtes, pas operacioneve intensive të kërkimit të policisë.
Ai u gjet nga një punonjës në hidrocentralin e Villnachern.
"Mendohet se ra në lumë dhe u mbyt mbrëmjen e së enjtes ndërsa po luante pranë lumit Aabach," tha zëdhënësi i policisë Bernhard Graser
Zeneli ishte në sheshin lojrash me nënën e tij dhe fëmijët e tjerë. Rreth orës 16:30, nëna papritmas vuri re mungesën e djalit. Ajo shkoi menjëherë në kërkim të tij dhe gjeti vetëm biçikletën.
Pas një kërkimi të kotë, Burbuqe lajmëroi policinë pak më vonë. Graser tha se u dyshua se Zeneli mund të kishte rënë në ujë.
"Aabach dhe Aare mbanin shumë ujë për shkak të shirave të ditëve të fundit dhe rrymë ishte e fortë,"-tha Graser. "Kjo e bëri punën kërkimore më të vështirë."
Lexoni për më shumë: Zhduket 4-vjeçari shqiptar në Zvicër