U vra me bukë në dorë, banorët e Kavajës: Ishte njeri pa konflikte
Banorët e Kavajës thonë se viktima Ramazan Hasanlliu ishte njeri i qetë dhe pa konflikte.
"Shumë fatkeqësie e rëndë për fëmijët e tij. Shumë njeri i pastër, i ndërgjegjshëm dhe njeri i përsosur në jetën familjare të tij."
Viktima Ramazan Hasanlliu u qëllua nga plumbat teksa po kthehej në banesën e tij me një qese me bukë në dorë.
Dëshmitarët, por edhe policia thanë se viktima nuk ishte i përfshirë në konflikt, pasi ka qenë kalimtar në vendin e ngjarjes.
Në komunikatë policia sqaroi se autorët e vrasjes janë shtetasit Marjus Alia, tashmë i arrestuar në gjendje të plagosur në spital dhe Denis Alia në kërkim, të dy vëllezër mes tyre.