Trump do dërgojë ushtrinë në kufirin e Meksikës

Trump do dërgojë ushtrinë në kufirin e Meksikës

Presidenti i Amerikës Donald Trump ka paralajmëruar se do të dërgojë ushtrinë amerikane për të siguruar kufirin jugor të vendit me Meksikën.

Trump më parë kërcënoi se do të shkurtojë ndihmën ndaj Hondurasit, pasi shumë azilkërkues janë drejtuar në veri të SHBA.

Presidenti amerikan tha të martën se po i bën thirrje ushtrisë të mbrojë kufirin midis Amerikës dhe Meksikës ndersa muri i madh të ndërtohej.

"Derisa të kemi një mur dhe siguri të duhur, ne do të ruajmë kufirin tonë me ushtrinë. Ky është një hap i madh. Ne nuk  mund të pranojnë njerëz që vijnë ilegalisht në vendin tonë, duke u zhdukur dhe mos u paraqitur kurrë në gjykatë,"- tha ai gjatë një dreke me udhëheqësit e shteteve baltike.

Trump ka mbyllur idenë e financimit të ndërtimit të një muri kufitar me Meksikën nëpërmjet buxhetit ushtarak amerikan gjatë bisedave me këshilltarët, thanë dy burime të konfirmuara për CNN javën e kaluar.

Kjo nuk është hera e parë që flitet për dërgimin e trupave amerikane në kufi. 

Nën Presidentin Xhorxh W. Bush, një vendosje kufitare e Gardës Kombëtare të njohur si Operacioni Jump Start filloi në vitin 2006 dhe zgjati dy vjet. 

Operacioni dërgoi më shumë se 6.000 trupa në Kaliforni, Arizona, New Mexico dhe Teksas për riparimin e kufirit sekonda, ndërtimin e rreth 1,000 pengesave metalike dhe agjentë të mbrojtjes kufitare që me anë të helikopterit kapnin emigrantët që përpiqeshin të hynin në mënyrë të paligjshme.

Në vitin 2010, administrata e Obamës vendosi trupat e Gardës Kombëtare si pjesë e një plani të mbrojtjes së kufirit.

Zyrtarët në vitin 2010 thanë se deri në 1,200 trupa të Gardës Kombëtare do të vendoseshin përgjatë kufirit SHBA-Meksikë deri në një vit për të ndihmuar Doganën Amerikane dhe Mbrojtjen Kufitare me mbikëqyrjen dhe grumbullimin e informacionit.

EMISIONET