Bajram Jashinica përjashtohet nga futbolli deri në vitin 2020

Edhe pse mbrojtësi kosovar i Skënderbeut shpresonte në një dënim minimal, së fundmi është bërë i ditur që ai do të jetë jashtë fushës së blertë deri në shkurt të vitit 2020.

Bajram Jashanica është njohur me verdiktin përfundimtar të UEFA-s, teksa është vendosur që mbrojtësi i njohur do të jetë jashtë fushave të blerta deri në shkurt të vitit 2020.

Institucioni më i lartë i futbollit europian nuk është kursyer aspak për shtatlartin duke i dhënë dënimin më të rëndë.

Përdorimi i substancave të ndaluara nuk mund të tolerohet dhe kësisoj 27-vjeçarit i ndalohet të jetë pjesë e futbollit profesionist. Ai mund të luajë vetëm në kampionate amatore që nuk njihen nga FIFA apo UEFA.

Jashanica rezultoi pozitiv në testin anti-doping pas ndeshjes kundër Young Boys në Europa League.


/Ora News.tv/