Që prej vitit 2016, kur hyri në fuqi VKM për moratoriumin e pyjeve, çmimi i druve që përdoren për ngrohje ka pësuar rritje, duke sjellë edhe më shumë shpenzime për qytetarët shqiptar që vijojnë ta përdorin këtë alternativë për ngrohje.

Jashtë kamerave, tregtarët e druve nënvizojnë se janë të pakënaqur nga shitjet dhe nga fitimet, ndërkohë që si shkak i kësaj situate nuk është vetëm moratoriumi i pyjeve. Ata thonë se një problematikë serioze për këtë situatë është edhe prerja në mënyrë të paligjshme, që më pas tregtohen në pika te paliçensuara. Gjatë këtij viti, çmimi ka pësuar rritje krahasuar me vitin e shkuar.

Një ditë më parë Ora News solli zërin e tregtarëve që thonë se ka një trend rritës nga ana e shqiptarëve që preferojnë të blejnë soba me dru. 

/Ora News.tv/