Transferimi te Juventusi, Cristiano Ronaldo "humbet" kombëtaren
Cristiano Ronaldo jashtë kombëtares së Portugalisë. Kjo jo për shkak të vendimit të Fernando Santos për të mos grumbulluar kapitenin dhe yllin e skuadrës luzitane, por sipas "ItaSportPress" ky vendim është marrë nga vetë 5 herë fituesi i Topit të Artë.
Duke iu referuar këtyre burimeve Ronaldo është i fokusuar te skuadra e tij e re, Juventusi, ndërkohë që Portugalia do të humbasë shërbimet e Ronaldos për ndeshjen e parë në Ligën e Kombeve kundër Italisë dhe miqësoren me Kroacinë katër ditë më vonë.
33-vjeçari nuk ka arritur të shënojë në dy ndeshjet e para të Serie A për bardhezinjtë dhe faqja e internetit shpjegon se do të përdorë këtë fazë pushimi për tu integruar më mirë në klubin e tij të ri.