Tornado në Durrës, shkatërrohen disa hektarë sera

Tornado në Durrës, shkatërrohen disa hektarë sera

Moti i keq me reshje shiu e dëbore shkaktoi probleme në bujqësi dhe vështirësi në disa zona malore. Disa hektarë me sera janë dëmtuar në Durrës, si pasojë e furtunës që pëfshiu zonat bregdetare, ndërsa krijoi edhe një tornado.  Në zonat malore të Dibrës, dëbora arriti 30 cm duke krijuar probleme, por rrugët janë të hapura.

Reshjet e shiut dhe të dëborës që u rikthyen në një pjesë të vendit kanë krijuar dëme të shumta në bujqësi dhe vështirësi në zonat malore.

Stuhia që përfshiu Durrësin pasditen e së hënës krijoi edhe fenomenin e rrallë të tornados në det, ndërsa ka dëmtuar disa hektarë sera në Shkozet.

Pronarët e serave thonë se nuk ishin të siguruar, ndaj të gjithë barrën financiare u duhet ta përballojnë vetë, por nga ana tjetër i ngushëllon fakti që dëmet ishin vetëm materiale.

"Nuk i kemi të siguruara këto sera, sepse tani i kemi nxjerrë çertifikatën", tha një fermer.

Ndërkohë në disa zona u rikthyen reshjet e dëborës.

Në qarkun e DIbrës, trashësia e dëborës arriti deri 30 cm. Lura, Selishta, Kalaja e Doddës e zona të tjera kanë vështirësi në qarkullim.

Në Korçë, veç zonave malore, bora shtoi edhe në qytet.

Reshje shiu e bore ka patur gjatë natës edhe në  Gjirokastër, Shkodër, Librazhd dhe Malin e Dajtit në Tiranë.

Sipas ARRSH nuk ka probleme për qarkullimin në vend, por kërkohet respektimi i sinjalisitikës e shpejtësisë për shkak të lagështirës në rrugë.

EMISIONET