Themeluesi i Huawei: SHBA po na nënvlerëson
Themeluesi Huawei, Ren Zhengfei ka sfiduar lëvizjet e SHBA kundër kompanisë së tij, duke thënë se po "ia nënvlerësonin" aftësitë.
Në një konferencë për mediat shtetërore kineze, Ren minimizoi ndikimin e veprimeve të fundit të SHBA duke thënë se askush nuk mund të arrijë teknologjinë e tij 5G në një të ardhme të afërt.
Javën e kaluar, SHBA shtoi Huawei në listën e kompanive që firmat amerikane nuk mund ta tregtojnë nëse nuk kanë licencë.
Ky veprim shënoi përshkallëzim të përpjekjeve amerikane për të bllokuar kompaninë kineze.
"Praktika aktuale e politikanëve amerikanë nënvlerëson forcën tonë," shtoi Ren.
Huawei përballet me një reagim në rritje nga vendet perëndimore, të udhëhequra nga SHBA, mbi rreziqet e mundshme që paraqiten nga përdorimi i produkteve të saj në rrjetet e ardhshme mobile 5G.
Pasojat e vendimit të SHBA për të vendosur Huawei në "listën e njësive" të tij u theksuan të hënën pasi Google i ndaloi gjigantit të teknologjisë kineze disa përditësime në sistemin operativ Android.
Më vonë të hënën, Departamenti i Tregtisë i SHBA lëshoi një licencë të përkohshme që i mundësoi disa kompanive të vazhdojnë të mbështesin rrjetet ekzistuese Huawei dhe pajisjet.