Tabaku: Kryebashkiakja e Roskovecit kërcënon qytetarin: Voto, ose të heq KEMP-in

Tabaku: Kryebashkiakja  e Roskovecit kërcënon qytetarin: Voto, ose

Votimet e së dielës do të realizohen pa opozitën, por kjo situatë nuk i ka shpëtuar akuzave. PD dhe LSI kanë publikuar video ku sipas tyre po ushtrohet presion për pjesëmarrjen në zgjedhje.

Opozita, ka nisur publikimin e atyre që i cilëson fakte të presioneve dhe  shantazheve për të detyruar  qytetarët të dalin në votime. Ish-deputetja, Jorida Tabaku,  tha se dhuna shtetërore shtrihet deri tek invalidët, duke publikuar dhe një video dëshmi.

Tabaku: "Jo vetëm dhunë ndaj mësuesve, mjekëve dhe punonjësve të administratës, por dëshpërimi i ka çuar vartësit e Edi Ramës nëpër bashki të ushtrojnë dhunë edhe ndaj më të pambrojturve, ndaj invalidëve. Dëshmitë e familjarëve të tyre provojnë së Majlinda Bufi e Bashkisë së Roskovecit, ka arritur deri aty sa të kërcënojë qytetarë me aftësi të kufizuara për heqje kempi, e vetmja mundësi që shumica e tyre kanë për të mbajtur frymën gjallë."

Tabaku ftoi qytetarët  të mos bien pre e provokimeve.

Për rastin reagoi edhe ish-deputeti, Klevis Balliu, duke kërkuar marrjen e masave dhe arrestimin e dhunuesve.

Ndërsa ish-deputeti, Flamur Noka, denoncoi atë që e quan skenar të denjë për regjimet diktatoriale ushtarake. Sipas tij, të dielën do veshë me uniformë polici persona të paidentifikuar, banditë me rekorde kriminale, si dhe forca të armatosura të ushtrisë, për të provokuar  dhunë dhe  përplasje me qytetarët.

Për presion dhunë e shantazhe foli edhe Lëvizja Socialiste për Integrim, ku nëpërmjet Petrit Vasilit, i kujtoi çdo individi apo zyrtari kodin penal.


Deklarata e plotë e Tabakut
Dhuna shtetërore që klika e Edi Ramës po ushtron ndaj shqiptarëve, për t’i detyruar të marrin pjesë në procesin farsë e të paligjshëm të 30 qershorit nuk po kursen askënd.

Jo vetëm dhunë ndaj mësuesve, mjekëve dhe punonjësve të administratës, por dëshpërimi i ka çuar vartësit e Edi Ramës nëpër bashki të ushtrojnë dhunë edhe ndaj më të pambrojturve, ndaj invalidëve.

Dëshmitë e familjarëve të tyre provojnë së Majlinda Bufi e Bashkisë së Roskovecit, ka arritur deri aty sa të kërcënojë qytetarë me aftësi të kufizuara për heqje kempi, e vetmja mundësi që shumica e tyre kanë për të mbajtur frymën gjallë.

Dëshmia revoltuese sesi regjimi i Edi Ramës është i gatshëm të ndëshkojë për karrigen e tij, me heqjen e bukës së gojës disa fatkeqëve, vjen nga djali i madh i një familjeje pa baba, me 3 djem me shikim të kufizuar dhe me dy vajza me aftësi ndryshe.

Megjithëse kjo dëshmi është bërë publike prej disa orësh në mediat që nuk kontrollehen nga regjimi në ikje i Edi Ramës, nuk ka asnjë reagim nga asnjë institucion.

Pas kësaj prove të sjelljes mizore të kryebashkiakes së Roskovesit, qëndron fytyra e vërtetë e regjimit të Edi Ramës.

Ai është i gatshëm të lërë pa bukë, pa ndihmë ekonomike dhe pa shërbime çdokënd që nuk I shërben pushtetit të tij personal dhe regjimit të tij kriminal.

Qytetarët nuk pranojnë kurrë dhunën shtetërore të Edi Ramës, që për karrigen e tij, është gati të shkatërrojë gjithçka.

Shqiptarët janë gati të reagojnë si qytetarë europian kundër instalimit të një diktature të re në Shqipëri.

Edi Rama kërkon viktima ndaj nxit konflikt me dhunën shtetërore dhe banditeske kundër qytetarëve të pafajshëm.

Por ne nuk duhet të lejojmë që asnjë fije floku i asnjë shqiptari të preket për t’i zgajtur jetën këtij regjimi në grahmat e fundit.

Partia Demokratike fton çdo qytetar të mos bie pre e provokimeve të Edi Ramës.

Refuzojeni Edi Ramën!

Braktiseni Edi Ramën!

Bojkotojeni Edi Ramën!

Sfidojeni dhe mos iu përkulni presionit të tij për të dalë në votimet farsë!

Filmoni, regjistroni, fotografoni dhe denonconi cdo dhunim, presion, dhunë, fallsfikim, mashtrim që regjimi i tij bën.

Të bashkuar ne jemi shumica, ne jemi forca dhe garancia e ndryshimt që po vjen.

EMISIONET