Maturantët u kthyen sërish të premten në gjimnaze, këtë herë për t'ju nënshtruar provimit të gjuhës dhe letërsisë. Në dispozicion kishin vetëm katër ditë kohë, gjatë të cilave thane se nuk kanë pasur mundësi të përgatiten mjaftueshëm'

Provimi nisi në orën 10 me këshillat e mësuesve dhe prindërve për tu treguar të qetë gjatë testimit.

Edhe ky provim zgjati 2 orë e gjysmë, ndërsa maturantët iu janë përgjigjur 25 pyetjeve, 12 prej të cilave me alternative. Në përfundim, shumë prej tyre e vlerësuan testin mesatar ndërsa më shumë vështirësi thanë se hasën për realizimin e esesë.

Por kishte edhe nga ata të cilët thanë se ia dolën t'ju japin përgjigje të gjitha pyetjeve.

Maturantët mohuan para kamerës të jenë konsultuar me njeri-tjetrin apo të kenë kopjuar.

Edhe ata që u morën me mbarëvajtjen e provimit thanë se procesi ishte i qetë.

Fill pas përfundimit të provimit ishte deputeti demokrat, Luciano Boçi, i cili publikoi në rrjetet sociale tezat e provimit me pretendimin se ato kanë qarkulluar prej orësh. 

Provimi i rradhës do të jetë ai i matematikës që do të zhvillohet në datën 13 qershor.

/Ora News.tv/