Nisja e sezonit turistik i ka gjetur në terren tatimorët në Shëngjin. Duke parashikuar një fluks në rritje të pushuesve, për këtë vit është parashikuar një tjetër strategji për të zbuluar shkeljet.

Nuk do të jenë më vetëm denoncimet që do të shërbejnë për kontrolle por do të verifikohen dhe pronotimet në booking, të cilat do të krahasohen me faturat që deklaron subjekti.

Romario Çelmeta: Kontrollet do të bazohen kryesisht në denoncimet që do të vinë për subjektet dhe nga analiza e riskut, do të jenë subjekte të përcaktuara.

Më herët investitorët kanë shprehur shqetësimin se tatimorët i kanë kontrolluar edhe tre herë në një sezon, duke u kthyer në shqetësim për pushuesit.

Romario Çelmeta: Ajo që ka ndodhur vjet do të merren masa që të mos ndodhë edhe këtë vit të sezonit turistik. Subjektet nuk do të kenë më kontrolle kaq të shpeshta.

Tatimorët shprehen se qëllimi i kontrolleve nuk do të jetë gjobitja, por këshillimi i subjekteve për të zbatuar detyrimet.

 

/Ora News.tv/