Rritet numri i femrave shofere të përfshira në aksidente

Rritet numri i femrave shofere të përfshira në aksidente

Duke analizuar aksidentet gjatë muajit korrik dhe gusht, Policia Rrugore thotë se ka një numër “të evidentuar” drejtuese mjeti femra që janë përfshirë në aksidente rrugore më pasoja.

Kreu i Policisë Rrugore, Mithat Tola, tha se vetëm javën e fundit janë 8 drejtuese mjeti të konstatuara në gjendje të dehur, për të cilat ka filluar ndjekja penale.

Tola: Sa më sipër kërkojmë të rritet kujdesi nga kjo kategori drejtuesish mjeti gjatë drejtimit të mjetit, për të evituar shkeljet dhe për të parandaluar në maksimum aksidentet me pasojë jetën e tyre dhe të shtetasve të tjerë.

Gjithashtu, ai këshilloi që drejtueset femra duhet t'i japin makinës me këpucë të përshtatshme, "mospërdorimi mundësisht edhe i duhanit gjatë drejtimit të mjeteve, mos mbajtja e kafshëve shtëpiake në kabinat e autoveturave të tyre pa i siguruar, do të lehtësonte manovrueshmërinë më të mirë gjatë drejtimit të mjeteve dhe do të evitonte përfshirjen në aksidente".

Dy ditë më parë, një aksident i rëndë ndodhi afër Kamzës në Tiranë ky një vajzë e vogël 7 vjeçare dhe një 27 vjeçar që udhëtonte me biçikletë gjetën vdekjen pasi një automjet drejtuar nga një femër i përplasi ato në pjesën e ndarjes së rrugës. Gruaja shofere kishte shtypur gazin në vend të frenave duke shkaktuar përplasjen fatale.

Ndërkohë, nisur nga aksidenti i rëndë, i ndodhur në afërsi të “Urës së Kamzës” në datë 08.08.2018, ku humbën jetën dy persona dhe u plagosën dy persona të tjerë, pas një analize paraprake të shkaqeve të aksidenteve të ditëve të fundit, Policia Rrugore evidenton:

1.       Tejkalimi i normave të shpejtësisë së mjeteve brenda qendrave të banuara është një nga shkaqet kryesore të humbjes së kontrollit të mjetit dhe premisë për tu përfshirë në aksidente rrugore;

2.       Përdorimi i aparateve celularë gjatë drejtimit të mjeteve, është një nga shkaqet kryesore të tërheqjes së vëmendjes nga drejtimi i mjetit, që shpie pastaj humbjen e kontrollit të tij;

3.       Qarkullimi i biçikletave duhet të bëhet në kujdesin më të madh. I kujtojmë drejtuesve të mjeteve, se drejtuesit e biçikletave dhe të çiklomotorëve nuk janë të mbrojtur nga “karkasa” metalike, sikundër mjetet, mjafton një pakujdesi e dyanshme dhe pasojat mund të jenë të rënda.

EMISIONET