"Rrëfehet" Blatter: Ja pse më dhemb largimi nga FIFA

"Rrëfehet" Blatter: Ja pse më dhemb largimi nga FIFA

Edhe pse prej 3 vitesh jashtë zyrave të FIFA-s, ish- presidenti i qeverisë më të madhe të futbollit botërorë, Sepp Blatter e konsideron ende veten si president të saj. 82 vjeçari zvicerian ka qënë i ftuar special i gazetës madrilene "Marca" ku ka zbuluar gjithë karrierën e tij.

Si keni hyrë në botën e futbollit?

"Unë punova në Komitetin Olimpik Zviceran dhe unë u thirra nga sekretari i përgjithshëm i FIFA-s në vitin 1966. Ai më tha se ata kishin nevojë për ndihmën time, unë lashë gjithçka, përfshirë pozicionin tim në marketingun e markës Longines. Vite më vonë, më thanë se presidenti [Joao] Havelange kishte nevojë për një lojtar futbolli, jo për të shënuar gola por për të zbatuar një program për zhvillimin e sportit, ishte  viti 1974 dhe pranova menjëherë. Në shkurt 1975 fillova dhe isha atje deri në shkurt të vitit 2015, kur u pezullova nga çdo lloj  aktiviteti".

Çfarë është FIFA për ty?

Një ëndërr dhe një sfidë, kishte të bënte me përfshirjen në futboll dhe zhvillimin e saj. Gjashtë vjet pas fillimit, unë u caktova sekretar i përgjithshëm. Futbolli nuk ka të bëjë vetëm me prekjen e topit, aspektet shumë të rëndësishme sociale dhe kulturore. Është një shkollë e jetës. Është disiplina dhe respekti për ekipin, trajnerin, arbitrin dhe humbësit.Është një lojë konkurruese, si jeta, por me sportivitet. Futbolli mund të ndihmojë shoqërinë dhe ne kemi arritur këtë. Ka dy miliardë njerëz të përfshirë.


Cilat ishin hapat e parë në FIFA?

Kur mbërrita, FIFA nuk kishte një sponsor zyrtar, vetëm Adidas për topin dhe asgjë tjetër, Coca Cola më pas erdhi dhe unë jam krenar për këtë, kishte 11 njerëz në FIFA, unë isha numri 12 dhe në në atë kohë, numri 12 ishte zëvendësimi. Ajo që ndryshoi gjithçka ishte televizioni në vitet 1970. Televizioni publik dhe privat ndryshoi si futbollin, ashtu edhe FIFA-n, ndërsa Kupën e Botës në Korenë e Jugut dhe Japoninë [2002] ndryshoi gjithçka.

A nuk ju pëlqen drejtimi aktual i FIFA-s të Gianni Infantino?

Nuk mund të them nëse e pëlqej apo jo sepse e kam takuar vetëm dy herë në muajin mars pas zgjedhjes së tij. Problemet me FIFA-n nuk janë zgjidhur. Ai nuk dëshiron të flasë me mua, vetëm avokatët flasin dhe mendoj se kjo është një mungesë respekti. Gjërat nuk po shkojnë mirë, por nuk mund të them nëse është shumë e mirë apo e keqe.

Ishte FIFA një mafie?

Jo. Ata që thanë ashtu duhet të kërkojnë falje.

A ka dhënë futbolli te Blatter apo Blatter te futbolli?

Futbolli më ka dhënë më shumë, por unë ende dua të jap diçka. Më ka dhënë një jetë të mrekullueshme, por unë gjithashtu kam punuar shumë për të. Është diçka e jashtëzakonshme. E konsideroj veten misionar të futbollit, sepse futbolli ka nevojë për misionarë. Unë e kam bërë ta zhvilloj atë në të gjithë botën, organizata që kam bërë është kontributi im për sportin, mendoj se e kam bërë futbollin më të mirë ".


Blatter ka fituar para si president?

"Sigurisht, por babai im në ditën e tij u tha tre fëmijëve të tij se kurrë nuk duhet të marrim para që nuk kemi fituar personalisht. Familja Blatter paguan borxhet e saj dhe kurrë nuk u kam dhënë para palëve të treta për të përfituar. Ne kemi ndihmuar njerëzit me paratë e mia ".

A e konsideroni veten të pafajshëm për gjithçka që jeni akuzuar?

 "Natyrisht, po. Komiteti i etikës i FIFA-së i tha vazhdimisht shtypit se çështja ime nuk ishte korrupsion dhe sjellje jokorrekte tregtare apo ekonomike. Nuk kam qenë kurrë i hetuar për korrupsion. Ajo më lëndon se mbesa ime në shkollë ishte veçuar dhe kishte probleme me shokët e klasës sepse i kishin thënë asaj se gjyshi i saj ishte një njeri i keq. Kjo më lëndon, nuk ka asnjë arsye për këtë. "

Me çfarë po merreni aktualisht?

Po drejtoj FIFA-n (qesh).




EMISIONET