Nisja e bisedimeve prej presidentit Ilir Meta mbi një datë të re të zhvillimit të zgjedhjeve, nuk ka sjellë tërheqjen as të opozitës dhe as të mazhorancës.

Nga Divjaka, kryeministri Edi Rama akuzoi paraardhësin e tij Sali Berishën për situatën e krijuar.

Edi Rama: Atij plakut të marrë që i ka mbledhur kokat boshe të udhëheqjes së opozitës, si kokrrat e tespijeve të plakut mere.

Zgjedhjet sipas Ramës do të zhvillohen në 30 qershor, dhe partia që del fituese do të ketë mandat të plotë

Edi Rama: Kush humbet zgjedhjet duhet të rijë në parlament dhe të bëjë opozitën, për aq kohë sa e ka mandati. 

Kritikave nuk i shpëtoi as presidenti Ilir Meta.

Edi Rama: Sikur bota të hynte në logjikën e Ilir Metës, që firma e çdo autoriteti të ishte e mundur të zhbëhej, nuk do  kishte më shtet.

Madje Rama solli në vëmendje dhe ndikimin e kryetares së LSI te dekreti i kreut të shtetit

Edi Rama: Kam informacion thotë Iliri nga agjensitë serioze ligjzbatuese, domethënë nga filxhani i Monikës.

Rama theksoi se goditjet me molotov dhe deklaratat e opozitës kanë si qëllim vetëm mbjelljen e frikës

Edi Rama: Ata që e shkaktuan ’97 janë kaq të dëshpëruar sa i gënjen mendja se mund të tundin para popullit fantazmën e ’97 dhe munsd të tmerrojnë dynjanë me ’97.

Edhe një herë kryeministri kërkoi pjesëmarrje në votimet e 30 qershorit duke shtuar se opozita zgjodhi vetë të mos bëhet pjesë.

/Ora News.tv/