U bënë bashkë kundër krimit! Shkodranët marshuan nga pedonalja përpara bashkisë e deri në sheshin Nënë Tereza, për të dhënë mesazhe paqeje e bashkimi. Kultura e Shkodres është më e fortë se plumbat e drogës ishte pankarta që udhëhoqi këtë ecje që bashkoi dhjetra qytetarë, klerikë e përfaqësues të politikës.

Ishte një ecje e ngjashme si në vitin 1997, kur trazirat kishin pllakosur vendin e plumbat merrnin jetë njerezish. Asokohe apeluan me fraza të ngjashme si sot kleriket fetar: Të ulen armët e paqja e vllazëria të mbizotërojë në Shkodër e Shqipëri.

Imzot Angelo Massafra: Falenderoj organizatorët për këtë marshim paqësor për të dhënë publikisht që ne duam të mirën e Shkodrës tonë dhe Shqipërisë sonë. Duam paqen dhe zhvillimin. Vetëm duke shndërruar mendjen tonë, duke qënë më të bashkuar, duke bërë të mira, vetëm kështu mund të ecim përpara. Sepse jeta jonë është në duart e të gjithëve.

Të gjitha ata që kanë në dorë të na ndihmojnë për rendin dhe sigurinë. Vetëm duke punuar me djersën e ballit buka që hamë ka një shije të jashtëzakonshme, buka tjetër ndoshta është më e majme, por nuk ka atë shije shpirtërore kur buka është fituar me djersë. Më mirë të jemi të varfër, jo në mizerie, të varfër  e të ndershëm dhe dita ditës të bëhemi të pasur shpirtërisht me kulturë të fortë. E keqja të zhduket nga zemra e njeriut, e ata që janë vendosur për të keqen, do të lutem o zot që t'i ndryshojë mendjen. Ata që bëjnë të keqen nuk jetojnë me ndërgjegjie të keqe.

Duhet të çarmatosim zemrën dhe xhepin, të mos ecim në rrugë as me psitoletë as me thikë. Problemet zgjidhen me dialog, pa u nxehur. Të mendojmë mirë para se të bëjmë të keqen. Papa Francesku ka bërë një takim me qindra mijëra italianë dhe ka thënë "të bëjmë të mirën dhe kurrë të keqen"

Myftinia e Shkodrës: Falenderimet janë për të madhin zot. Vetëm ai ka pushtetin mbi krijesat. Adhuroni të madhin zot që ai të na ndihmojë. Ju lutem nënave dhe baballarëve, edukoni fëmijët tuaj me moralin fetar dhe qytetar. Edukoni fëmijët tuaj me dashuri dhe mirësi me tjetrin. Ju djem dhe vajza të reja, zemra juaj mërzitet kur merrni vesh se një shok e shoqe është vrarë, dhe keni turpin më të madh sepse nuk ditët me e mbajt pranë. Prandaj të ulen armët përtokë, të mos qëllojnë, të mos vrasin, të mos nxijnë zemrat e nënave, mos turpërojnë baballarët, mos shkatërrojmë vëllezërit, mos shkatërojmë Shkodrën dhe Shqipërisë.

Vrasja e 14 vjeçarit në Mamurras ishte një ngjarje që tërhoqi arqipeshkevin e Shkodres Massafra të bëjë nje thirrje për prindërit, duke përdorur fjalët e papa Françeskut.

Thirrja e të rinjve të forumit rinor demokrat i bashkoi të gjithë në këtë marshim jo politik, por në emer të paqes e kundër krimit që në Shkoder këto javë i mori jetën 6 shtetasve dhe 2 të tjerë rezultojnë të zhdukur.



/Ora News.tv/