Një incident i rëndë është shënuar në pistën e skive në Kanada.

Skiatori francez, David Poisson ka humbur jetën gjatë stërvitjes së të hënës në pistën e Nakiska.

35 vjeçari Poisson po kryente stërvitjen bashkë me shumë skiatorë të tjerë të përfaqësueses franceze, ku në një moment ka dalë nga pista dhe është përplasur me një pemë, duke humbur menjëherë jetën.

Poisson, i cili fitoi medaljen e bronzit në kampionatit botëror në vitin 2013, ishte duke u përgatitur për garat e Kupës Botërore në Amerikën e Veriut.

/Ora News.tv/