Përdhunoi dhe vrau 6 vjeçaren, ekzekutohet me varje i riu
Pakistani ka ezekutuar me varje një njeri të dënuar për përdhunimin dhe vrasjen e gjashtë-vjeçares Zainab Ansari në muajin janar.
Imran Ali, i cili u arrestua pasi trupi i vogëlushes u gjet në një depo plehrash, u ekzekutua në burgun Kot Lakhpat në Lahore mëngjesin e kësaj të mërkure, tha policia.
Babai i Zainab dhe të afërmit e tjerë ishin të pranishëm.
Rasti më i rëndë, në një seri vrasjesh të ngjashme të fëmijëve në qytetin e Kasurit, kishte shkaktuar zemërim dhe protesta në vend.
Pasi u dënua me vdekje për përdhunimin dhe vrasjen e Zainabit, 24 vjeçari Imran Ali u dënua për krime të ngjashme kundër gjashtë vajzave të tjera.
Babai i Zainabit, Amin Ansari, tha pas ekzekutimit se ai ishte "i kënaqur".
"Unë e pashë frikën e tij të thellë me sytë e mi. Ata e hodhën atë në trekëmbësh dhe e lanë trupin të varur për gjysmë ore, "u tha ai gazetarëve.
Megjithatë zoti Ansari, i cili tha se Zainab do të kishte qenë shtatë vjeçe dhe dy muaj nëse do të ishte gjallë, shprehu keqardhje që autoritetet nuk e transmetuan varjen në televizion.
Ankesa e mëparshme e z. Ansari për Aliun për t'u përballur me një varje publike u hodh poshtë nga gjykata e Lartë e Lahores.
Zainab u zhduk më 4 janar dhe trupi i saj u gjet pesë ditë më vonë në një depo plehrash. Policia tha se kishte dy vrasje të ngjashme të fëmijëve në dy vitet e fundit në Kasur, por vrasja e saj ishte një pikë kthese.