Pensionistët duan më tepër: Kërkuam rritje me 10% të pensioneve
Pas vendimit të qeverisë për rritjen e pensionve me 2.8%, pensionistët shprehen pesimistë. Ata thonë se pensionet e tyre janë të pamjaftueshme dhe se kërkesa e tyre ka qenë në masën 10%.
Qytetarët shprehen tepër pesimistë për rritjen e pensioneve që qeveria do të bëjë nisur nga 1 prilli i këtij viti.
Po kjo rritje duket se nuk i ka kënaqur pensionistët të cilët thonë se është e pandjeshme në xhepat e tyre.
"Nuk më ndihmon fare, 115 më ka rënë pensioni".
" Që kur ka ardhur 1 mijë lekë na e ka ngritur. Asgjë, mezi jetojmë".
" Është i pallogaritshëm".
"3 mijë lekë të vjetra, gjithmonë kështu kanë bërë me ne".
" Asgjë dhe mos ta kujtoj më se edhe ne pensionistët do të jemi aty (protestë)".
Sipas pensionistëve, kërkesa e tyre për rritjen e pensioneve ka qenë në masën 10%.
"Kemi kërkuar për 10% për vite të tëra dhe nuk është plotësuar".
"Të rritet të paktën 10%".
Nga rritja e pensioneve prej këtij vendimi të marrë në mbledhjen e fundit të qeverisë do të përfitojnë rreth 665 mijë persona në rang vendi.