Miliarderi Jeff Bezos dhe bashkëshortja e tij MacKenzie janë divorcuar pas 25 vitesh martesë.

Ata njoftuan ndarjen me anë të një deklaratë të përbashkët në Twitter.

“Ne duam që njerëzit të dinë për një zhvillim në jetën tonë. Pas një periudhe të gjatë bashkë, ne kemi vendosur të divorcohemi dhe të vazhdojmë jetën si miq. Ne ndihemi jashtëzakonisht me fat që kemi gjetur njëri-tjetrin dhe jemi thellësisht mirënjohës për secilin vit që ishim të martuar. Nëse do të ishim në dijeni se do të ndahemi pas 25 vjetësh, do ta bënim prapë. Ne kemi pasur jetë të shkëlqyer së bashku dhe ne gjithashtu shohim një të ardhme të përbashkët si prindër, miq dhe partnerë në sipërmarrje dhe projekte. Ndonëse statusi mund të jetë i ndryshëm, ne mbetemi familje dhe miq të dashur”, tha Jeff.

Jeff Bezos është njeriu më i pasur në botë dhe themeluesi i kompanisë më të madhe për shitje online, Amazon.

/Ora News.tv/