Partia Demokratika në Durrës nis punën për zgjedhjet vendore
Partia Demokratika në Durrës ka nisur nga puna për zgjedhjet vendore që do të mbahen vitin e ardhshëm. Ngritja e strukturave dhe angazhimi i te rinjve është synimi kryesor i demokrateve durrsakë. Drejtuesit e Partisë Demokratike në Durres zhvilluan nje takim me Forumin Rinor të Partisë Demokratike-Dega Durrës, të organizuar nga këta të fundit me fokus “situata ne vend” dhe “detyrat e gjithesecilit ne vazhdim”.
Nuk kemi pse tulatemi tha kryetari i PD-së dega Durrës, Ferdinand Xhaferri. Ne jemi forca që liberalizuam vizat dhe futëm Shqipërinë në NATO. Nuk krahasohemi me këta, këta kanabizuan Shqipërinë ne denoncuam, e shumë e shumë të tjera. Pra, të bëhemi bashkë dhe të punojmë fort për të fituar zgjedhjet e ardhshme, me qëllim ti hapim rrugën fitores së madhe të Partisë Demokratike dhe për ta risjellë në pushtet.
Kryetari i Grupit të Punës për Durrësin, Deputeti Oerd Bylykbashi kërkoi angazhim maksimal të të rinjeve dhe organizim sa më të mirë në fushatën e zgjedhjeve të ardhshme.
I pranishëm në takimin me forumin rinor të Partisë Demokratike dega Durrës ishte edhe Kryetari i FRPD Belind Këlliçi, i cili kerkoi reagim dhe entuziazëm në radhët e të rinjve durrsak, duke u kujtuar se PS-ja në pushtet po detyron të rinjtë të emigrojnë pasi nuk kanë asnjë shpresë.