Paqe mes Interit e Romës, zikaltërit mbajnë distancën në +3 me kryeqytetasit
Është mbyllur në barazim 1 me 1, supërsfida e javës së 21-të në Seria A, mes Interit dhe Romës.
Në "Giuseppe Meaza" u zhvillua një takim shumë i luftuar ku nuk munguan as konfrontimet mes futbollistëve të dy skuadrave.
Ishin miqtë ata që kaluan në avantazh të parët.
Stefan El Shaaraëy i shpëtoi mbulimit të mbrojtjes zikaltër, falë edhe një gabimi në vendosje të Santon, me sulmuesin italian që iu drejtua i vetëm portës së Handanoviç, me këtë të fundit që u mposht mjeshtërisht nga 25 vjeçari që e goditi topin në stil parabole.
5 minuta nga fundi i takimit, ishte Matias Vecino që barazoi rezultatin, pas një goditje të bukur me kokë.
Pas këtij barazimi, skuadrat mbajnë të njëjtën distancë në rënditje, me zikaltërit +3, por me Romën që ka dhe një ndeshje për të rikuperuar.