Një çifti musliman i është mohuar shtetësia zvicerane, pasi refuzuan të shtrëngojnë duart me njerëz të seksit të kundërt gjatë intervistës së tyre, shkruan BBC.

Zyrtarët zviceranë konfirmuan vendimin të premten, duke përmendur më tej dështimin e çiftit për t'u integruar dhe respektuar barazinë gjinore.

Çifti, i intervistuar muaj më parë, u përpoq gjithashtu t'u përgjigjej pyetjeve të anëtarëve të seksit të kundërt.

Ditë më parë, një grua suedeze muslimane fitoi një kompensim pas një interviste pune të përfunduar kur ajo refuzoi të shtrëngonte duart.

 Autoritetet zvicerane thanë se qytetarët që aspirojnë të bëhen shtetas zviceranë duhet të integrohen mirë në komunitetin zviceran dhe të tregojnë një lidhje me Zvicrën, institucionet e saj dhe një respekt për rendin ligjor zviceran.

Ata nuk zbulonin specifikat rreth çiftit, për të cilin mediat lokale thanë se ishin afrikano-veriorë, por konfirmuan se ata mendonin se çifti kishte dështuar të plotësonte kriteret e shtetësisë kur ato aplikoheshin në qytetin e Lozanës.

Kryebashkiaku i Lozanës, Gregoire Junod, i tha agjencisë së lajmeve AFP se liria e fesë ishte e sanksionuar në ligjet vendase, por "praktika fetare nuk bie jashtë ligjit".

Çifti nuk u pyet për besimin e tyre, thanë autoritetet, ndonëse feja e tyre ishte e dukshme.

Zyrtarët theksuan se nuk u refuzuan për shkak të fesë së tyre, por për mungesën e respektit për barazinë gjinore.

"Kushtetuta dhe barazia midis burrave dhe grave mbizotërojnë mbi fanatizmin", tha Pierre-Antoine Hilbrand, i cili ishte pjesë e komisionit që intervistoi çiftin.

Kjo nuk është hera e parë që refuzimi i shtrëngimit të dorës ka nxitur polemika në Zvicër.

Në vitin 2016, një shkollë zvicerane vendosi të përjashtonte dy djem muslimanë për shkak të shtrëngimit të duarve të mësuesve të meshkujve dhe femrave pasi refuzuan të shtrëngonin duart me një mësuese. Lajmi shkaktoi trazirë dhe çoi në pezullimin e procesit të shtetësisë së familjes.

Në Francën fqinje, një gruaje algjeriane iu mohua shtetësia pasi nuk pranoi të shtrëngonte dorën e një zyrtari gjatë ceremonisë së saj të shtetësisë.

/Ora News.tv/