Ish-presidenti Bujar Nishani në një lidhje me skype për "Arena" në Ora News, sqaroi arsimi i lartë i miratuar tri vite më parë, përkeqësoi jetën akademike në vend.

Biseda: 

Nishani: Ligji aktual i arsimit të lartë në vend që të hartohej me idenë për ta përmirësuar jetën akademike, rezultoi që e përkeqësoi akoma më shumë dhe gjatë këtyre 3 viteve, të gjithë ata që kanë ngritur zërin për "fat të keq" rezulton që kanë pasur të drejt. E them për fat të keq sepse nuk duhet të kishim mbërritur në këtë situatë. 

Hila: Ka pasur indikacione që ky ligj ishte i lobuar?

Nishani: Thelbi i qëndrimit të presidentit të Republikës ishte konsulta me studentët. Relacioni është i gjatë që argumenton që nga vendimet e Gjykatës Kushtetuese e deri tek Konventa e të Drejtave të Njeriut. Unë ju theksoj vetëm pikën dy që tingëllon reale sot; Përmes këtij ligji rrezikon të kushtëzohet i e drejta për arsim të lartë që mund të arrijë në shifra të larta të papërballueshme për pjesën më të madhe të Shqipërisë. Edhe unë në atë kohë u akuzova si i politizuar siç bëhet sot me studentët. Sot rezulton që unë dhe shumë e shumë pedagogë të tjerë kishin të drejtë.

Sot është e tepër për mua t'u jap mend studentëve. Sot nuk e kam unë në dorë, as qeveria. Sot e kanë marrë në dorë kauzën studentët. Ky grupim shoqëror, pra studentët kanë kapacitetet intelektuale, ka ambicien se ku do të shkojë shoqëria shqiptare dhe politika në Shqipëri që është më e madhe se partitë politike. Çdo gjë është politikë. Unë nuk kam ndonjë mesazh specifik. Ofron mbështetjen për studentët dhe pedagogët dhe ftoj shoqërinë shqiptare t'i bashkohet për kërkesat e tyre të drejta.


/Ora News.tv/