Nëna nuk kishte 'asnjë zgjedhje tjetër', veçse të shiste vajzën e saj 6-vjeçare

Një thatësirë e paparë në Afganistan ka çuar familjet që të shesin fëmijët vetëm për të ushqyer pjesën tjetër të familjes.

CNN ka folur me familje të shumta në qytetin perëndimor të Heratit, të cilët janë detyruar të lënë shtëpitë e tyre për shkak të thatësirës rekord. Sipas Kombeve të Bashkuara, më shumë njerëz janë larguar nga kjo zonë në vitin 2018 për shkak të thatësirës, se sa gjatë dhunës ndër vite që ka prekur vendin.

OKB vlerëson se mbi 275,000 njerëz janë zhvendosur nga thatësira, 84,000 prej tyre nga qyteti dhe 182,000 në rajonin e Badghis.

Katër vite pa shira, kanë shkatërruar bujqësinë e rajonit dhe madje ka ndikuar që prodhimi i opiumit të bjerë me një të tretën këtë viti, pavarësisht rezultatit rekord në vitin 2017.

Kushtet ekstreme të motit shkaktojnë shqetësime se ndryshimet klimatike globale po ndikojnë rëndë tek vendi më i brishtë në botë, ku dekada luftë kanë dëmtuar ekonominë.

Jashtë Heratit, në një kamp refugjatësh, një kameraman i CNN takoi Mamareen, i cila ka humbur bashkëshortin e saj në luftë, si dhe shtëpinë për shkak të thatësirës. Ajo u detyrua të shesë vajzën për të ushqyer në mënyrë urgjentë fëmijët e tjerë.

Akila, 6 vjeçe, është tani në posedim të një familjeje tjetër. Mamareen shiti Akilan për 3.000 dollarë për Najmuddin, i cili i ka premtuar asaj djalin e tij 10-vjeçar, Sher Agha.

"U largova nga fshati im me tre fëmijët e mi për shkak të thatësirës së madhe", thotë ajo. "Kam ardhur këtu duke menduar se do të marr ndihmë, por nuk kam marrë asgjë. Për të shmangur urinë mes fëmijëve të mi, ia dhashë vajzën time një burri për rreth 3 mijë dollarë, por deri tani kam marrë vetëm 70 dollarë. Burri im u vra gjithashtu".

I pyetur nëse Akila e dinte fatin e saj, ajo tha: "Ajo nuk e di se unë e kam shitur, si do ta kuptonte ajo, është një fëmijë, por nuk kisha asnjë zgjedhje tjetër, qoftë në lot apo në të qeshura, ajo do të duhet të shkojë. Kush do të shiste një pjesë të zemrës së saj? "

Një akt bamirësie?

Fati i saj qëndron larg, në një tjetër tendë më të pasur në kamp, me Najmuddin, blerësin e saj. Por për Najmuddin, ky ishte një akt bamirësie.

"Familja e saj nuk kishte asgjë për të ngrënë, ata ishin të uritur", tha ai. "E di që unë jam gjithashtu i varfër, por jam i sigurt se mund ta paguaj ngadalë ... në dy deri në tre vjet".

Kameramani afgan ngulmoi; a nuk janë ata fëmijë? "Kjo nuk ka rëndësi, këto gjëra ndodhin këtu, madje edhe një i moshuar martohet me një vajzë të re.

Najmuddin është viktimë e thatësirës së njëjtë që ka shkatërruar Afganistanin perëndimor, i cili dikur ishte copëza e kombit të shkatërruar nga lufta, pa dalje në det. Ai tha: "Kultura e grurit nuk është bërë, ne nuk mund të rrisim pjeprat, të gjitha kulturat e tjera u thanë për shkak të thatësirës. Ne humbëm bagëtinë tonë, delet, lopët dhe dhitë ngordhën nga uria pasi nuk kishte ushqim për to".


EMISIONET