Në shkurt nis të jetësohet Ligji për “Trepçën”

Në shkurt nis të jetësohet Ligji për

“Trepça”, gjiganti ekonomik kosovar, i cili me miratimin e Ligjit për “Trepçën” në dhjetorin e vitit 2016, i është kthyer shtetit të Kosovës dhe qytetarëve të saj, pritet të jetë sërish promotor i zhvillimit ekonomik të vendit.

Në vitin 2018 “Trepçën” e pret sfida më e madhe – zbatimi i Ligjit për “Trepçën”, i cili nuk është jetësuar akoma, ndonëse ka kaluar mbi një vit nga miratimi në Kuvendin e Kosovës. Qeveria e Kosovës nuk ka arritur t’i formojë dy bordet, Bordin Mbikëqyrës dhe atë Menaxhues, pa të cilët Ligji për “Trepçën” nuk mund të zbatohet. Drejtori i “Trepçës”, Ahmet Tmava, ka thënë se është jetik formimi i bordeve, pa të cilët “Trepça” nuk mund të zhvillohet në asnjë segment të saj, shkruan Zëri.info.

Kompleksi metalurgjik “Trepça” viteve të fundit vazhdon të përballet me plot sfida të ndryshme të zhvillimit të saj, ngase ka një kohë të gjatë që është edhe pa bord drejtues, i cili do ta mundësonte zbatimin e Ligjit për “Trepçën”, që ka hyrë në fuqi një vit më parë.

“Presim që shumë shpejt të formohet Bordi Menaxhues, pa të cilin kemi mbetur peng dhe nuk po mund t’i realizojmë planet që kemi. Realisht pa zbatimin e ligjit nuk mund të ketë as prodhim, por që me fillimin e këtij viti besojmë se gjithçka do të rregullohet, se do të formohen bordet dhe do të nisë funksionalizimi i plotë i ligjit”, tha Tmava.

EMISIONET