Në Kosovë djegin flamurin turk, reagon qeveria

Në Kosovë djegin flamurin turk, reagon qeveria

Qeveria e Kosovës ka thënë se është kundër deklarimeve dhe gjuhës fyese ndaj Republikës së Turqisë dhe popullit turk, nga kushdo qoftë në vendin tonë.

Reagimi erdhi pasi sot në facebook u publikua një video ku disa qytetarë djegin flamurin e Turqisë dhe më pas e hedhin në tokë dhe e shkelin. Personat përdorin dhe shprehje ofenduese ndaj Turqisë dhe presidentit Recep Tayyip Erdoğan.

Në reagimin e së enjtes (2 gusht) "Qeveria e Republikës së Kosovës "dënon fuqishëm çdo akt vandal që përdhosë simbolet nacionale dhe shtetërore të Republikës së Turqisë."

"Qeveria e Kosovës është e përkushtuar në ndërtimin e raporteve të mira me të gjitha vendet e rajonit dhe ka konsideratë të veçantë për bashkëpunimin e mirë me vendet që kanë njohur dhe ndihmuar pavarësinë e Kosovës.
Qeveria e Republikës së Kosovës është e vendosur dhe kërkon nga organet e rendit që të ndërmarrin të gjitha masat ndaj atyre që nuk respektojnë interesat shtetërore të Kosovës dhe ndaj atyre që prishin harmonin dhe bashkëjetesën e qytetarëve të saj, pa marr parasysh përkatësin e tyre etnike". 

Personat që e djegin flamurin shprehen se janë “në përkrahje të Gjergj Dedajt”. Ndërkohë qeveria më parë kishte reaguar edhe ndaj deklaratave ofenduese të zëvendësministrit të Punëve të Jashtme të Kosovës Gjergj Dedaj ndaj shtetit të Turqisë.

Reagon Gjergj Dedaj

Por sërish ne nje postim ne facebook Dedaj ka shkruar se “Turqia dhe Serbia, përplot 6 shekuj kanë qenë sundimtarët më të egër dhe pushtuesit më barbarë e popullit shqiptar”.

A u lodhte, apo ju vjen turp, apo skuqeni, sa shume shpifje e genjeshtra bete, vetem per tri dite !

Edhe njehere: Turqia dhe Serbia, perplote 6 shekuj kane qene sundimtaret me te eger dhe pushtuesit me barbare e popullit shqiptare! Ata kane bere krime dhe gjenocid ne keto troje. Turqet dhe Serbet e tashem te Kosoves nuk duhet te ndjehen krenare per ate kohe,  por duhet te distancohen nga ajo kohe dhe nga ato krime barbare. Njekohesisht, nuk duhet te ndjehen fajtore as te ofenduar kur ate periudhe gjashteshekullore e quajme sakte siq ishte. Une kete e kam bere dhe do ta beje çdo here per pushtuesit turqo serb dhe asnjehere nuk merrem as me turqet dhe as serbet e Kosoves te cilet e gjykojne ate pushtim barbare dhe jane qytetare te barabarte te Republikes se Kosoves!

EMISIONET