Në katër muaj kryen 136 vjedhje, shkatërrohet banda me shqiptarë

Në katër muaj kryen 136 vjedhje, shkatërrohet banda me

Policia italiane ka shkatërruar në orët e para të mëngjesit të sotëm një bandë hajdutësh të cilët akuzohen për 136 vjedhje garazhesh dhe  bodrumesh në provincat e Astit dhe Cuneo.

Finalizimi i operacionit " Pazari i madh" çoi në arrestimin e 5 personave, 2 të tjerë janë lënë në arrest shtëpie dhe 5 të tjerë janë proceduar penalisht.

Të arrestuarit janë me kombësi italiane, shqiptare dhe marokene.

Vlera e mallrave të vjedhura llogaritet në mijëra euro. Gjithçka është realizuar në harkun kohor të katër muajve.

 Banda vepronte natën, hetimet nisën në janar

Hetimet e policisë kanë nisur në janar, pas analizimit të ankesave të shumta që kishin mbërritur në kazermat e policisë për vjedhjet në garazhe dhe bodrume.

Grupi i hajdutëve përbëhej nga 12 persona me kombësi italiane, marokene dhe shqiptarë, të specializuar në bastisjen dhe vjedhjen e garazheve dhe bodrumeve në Asti, Alba dhe Nizza Monferrato.

Ata vepronin natën dhe akuzohen për kryerjen e 136 vjedhjeve. Në operacionin e sotëm u angazhuan 30 oficerë policie. Policia ekzekutoi 5 "urdhër-arreste me burg" dhe 2 "arrest shtëpie", ndërsa ka sekuestruar materiale të vjedhura në vlerë disa mijëra euro.

Një grup i organizuar mirë

Sipas policisë, banda ishte e mirëorganizuar. Vepronin 3-4 persona, rreth orës dy të mëngjesit dhe lëvizja ndodhte që mund të bëhej me makinën që kishin vjedhur në të njëjtin garazh që kishin  sërish në shënjestër

Ata kishin të specializuar në hapjen e dyerve të garazhit. 

"Kjo është një bandë e mirë-organizuar, i cila kryente inspektime të sakta. Shpesh ndryshonte makinat e vjedhura me të cilat ai kryente vjedhjet" thotë policia.

Arsyeja e vjedhjes, siç shpjegohet nga policia, dyshohet të jetë "nevoja për të mbledhur para për nevojat e tyre, por edhe për të blerë drogë, veçanërisht kokainë dhe hashash."

Një pjesë e materialeve të konfiskuara nga policia u janë kthyer të zotëve por ka ende pronarë që presin tu kthehen sendet e vjedhura.

 

EMISIONET