Mazhoranca hap diskutimin për votën e emigrantëve, mungon opozita

Mazhoranca hap diskutimin për votën e emigrantëve, mungon opozita

Votimi i emigrantëve do të jetë pjesë e rëndësishme në debatin për reformën zgjedhore. Për këtë qëllim, Ministri i Diasporës Pandeli Majko zhvilloi një tryezë në të cilën morën pjesë përfaqësues të institucioneve,OSBE, shoqërisë civile por ku mungoi opozita. Majko tha se nisma përkon me afatin 10 vjeçar të rinovimit të pasaportave, ndaj duhet shfrytëzuar. 

Pandeli Majko: Vota e shtetasve shqiptarë jashtë vendit do ta lidhë edhe më fort të ardhmen e vendit me procesin integrim të vendit. Pas kësaj reforme elektorale do të kemi qeveri që do të mbështesin legjitimitetin e tyre edhe në votën e shtetasve të vet në perëndim. Një arsye tjetër që nxit një vendimarrje sa më të shpejtë në Kuvendin e Shqipërisë është edhe rregullimi i regjistrimit të shtetasve jashtë vendit. Ky proces kërkon një kujdes të veçantë administrativ. Regjistrimi i shtetasve shqiptarë që jetojnë jashtë vendit kanë një rastësi pozitive i cili është plotësimi i afatit 10 vjeçar të dokumentave të identifikimit, ato do të ripërtërihen për të gjithë shtetasit shqiptarë. Shtetasit shqiptarë kur të aplikojnë pranë zyrave përkatëse në Shqipëri apo Konsullatat respektive të shtetit ku jetojnë për tu pajisur me njoftim elektronik apo pasaportë biometrike të shtetit shqiptar për herë të parë apo kur i ka mbaruar afati 10 vjeçar i dokumentit, apo kur i ka humbur, sipas kontratës koncensionare duhet të deklarojnë të gjithë të dhënat përfshirë dhe adresën e banimit në shtetin e huaj ku jetojnë.

Majko u kujdes të nënvizonte se "shtetasve shqiptarë jashtë vendit u duhet bërë e qartë se me plotësimin e dokumetave të reja identifikuese pasaportë dhe kartë identetit të mos vendosë adresën e vjetër apo shtëpisë së prindërve në Shqipëri por atë të vendqëndrimit në vendin pritës.Çdo shmangie duhet konsideruar ashtu siç është paligjshmëri, falsifikim dhe si mosrespektim që shteti shqiptar ka me kompaninë koncesionare për këtë qëllim".

Ministri Majko apeloi edhe opozitën në Kuvend.

Majko: Ky është diskutimi i parë publik, shrespoj që kolegët deputet në komisionin e reformës zgjedhore të gjejnë gjuhën e përbashkët për çështjen e votës së shetasve jashtë vendit. Po flasim për votues të majtë dhe të djathtë që do të fitojnë një të drejtë të munguar. Kjo reformë e votës do të ndryshojë raportin e  politikës me shtetasit që e votojë, do të ndryshojë dhe vetë politikën shqiptare. Nuk po falim dhe nuk po sajojmë asgjë,  e drejta duhet të shkojë tek shtetasi dhe jo e kundërta.

Ndërkohë Ministri i Brendshëm, Fatmir Xhafaj, tha se duhet adresimi sa më parë i disa çeshtjeve teknike lidhur me procesin.

Xhafaj: 1/3 e shtetasve shqiptarë me të drejtë vote nuk e ushtrojnë këtë të drejtë.Është momenti të vendosim për sistemin që mundëson ushtrimin e të drejtës së votës. Gjetja dhe aplikimi i një sistemi që mundëson votimin e emigrantëve pa qenë të detyruar të paraqiten fizikisht është shumë e vështirë në kushtet e kësaj klime politike të tensionuar artificialisht. Kontributi i ekspertëve të paangazhuar që vendi jonë i ka  si dhe OSBE apo organizatave të tjera ndërkombëtare do na ndihmojë për gjetjen e një zgjidhje që ofron besim për të gjithë. Modelet në Europë dhe më gjerë nuk mungojnë. Duhet të vendosim dhe sa më shpejt tu japim përgjigje pyetjeve si: A do tu sigurohet e drejta e votimit në çdo mënyrë emigrantëve për të gjitha llojet e zgjedhjeve përfshirë Kuvendin, qeverisjen vendore, referendumet lokale, kombëtare etj? Në varësi të modelit të votimit që duam të zgjedhim a do tu kërkohet atyre që paraprakisht të regjistrohen si votues që të përfshihen në listën e zgjedhësve apo automatikisht ata do të jenë në listën e zgjedhësve sikurse është sot? Këto çështje kërkojnë adresim të shpejtë.

 
Zëvendës/kryetari i Prezencës së OSBE, Robert Wilton, kërkoi transparencë dhe më shumë kujdes në ndryshimin e kodit zgjedhor.

Wilton: Kjo nuk është një çështje e thjeshtë, nuk është diçka që është mbrojtur thjesht. Vendimi dhe analiza për këtë çështje duhet të marrë me mend seriozitetin e sfidës.

Sa i përket reformës zgjedhore, në Kuvend është ngritur tashmë dhe Komisioni përkatës por që ende nuk ka nisur diskutimet konkrete.


 

EMISIONET