Maskat grabisin dyqanin e operatorit telefonik në Vlorë, marrin para dhe celularë
Nga OraNews Përditësimi i fundit 21 Nëntor 2018, 22:49
Tre persona të maskuar dhe me armë kanë grabitur mbrëmjen e sotme dyqanin e një operatori telefonik.
Ngjarja ka ndodhur rreth orës 21:30 përgjate bulevardit Vlorë- Skelë.
Në momentin kur ka ndodhur grabitja, po bëhej mbyllja e dyqanit.
Maskat kanë kërcënuar dy punonjëset duke marrë para dhe telefona celularë.
Policia është vënë në kërkim të autorëve të grabitjes.
Zona ku ka ndodhur grabitja është në rikonstruksion, e pafrekuentuar gjatë kësaj periudhe, pasi rruga është bllokuar për punimet.