"LSI konsensus që opozita të djegë qeverinë", deputetët japin konsensusin për mandatet
Deputetët e Lëvizjes Socialiste për Integrim e kanë shprehur konsensusin përmes rrjeteve sociale lidhur me propozimin e kryedemokratit Lulzim Basha për të djegur mandatet.
Ish-Ministrja dhe deputetja e LSI-së, Klajda Gjosha, përmes një postimi në facebook thotë se konsensusi i vetëm i opozitës duhet të jetë ”djegia” e qeverisë, për të cilën nënvizon se është në pushtet falë votave të vjedhura.
Kejdi Mehmetaj shprehet se qytetarët folën qartë ditën e shtunë, kundër regjimit kriminal të Edi Ramës.
Mehmetaj: "Mandatet nuk janë të deputetëve por të qytetarëve!Ata folën qartë dhe fort ditën e shtunë!Kundër regjimit kriminal të Edi Ramës!"
Edhe deputetët Viktor Tushaj dhe Floida Kërpaçi teksa shprehin gatishmërinë për të radikalizuar qëndrimet politike me djegien e mandateve të tyre, nuk i kursejnë akuzat ndaj mazhorancës qeverisëse dhe kreut të saj Edi Rama.
Tushaj: Ky Kuvend, i marrë peng nga krimi i organizuar nuk është më vendi i kuvendimit. Arroganca e mazhorancës kriminale po fundos vendin.
Kërpaçi: Ç’vlerë ka mandati kur ai (Rama) helmon popullin e tij.