Kanë mbetur më pak se 24 orë nga ceremonia hapëse e Kupës së Botës, që këtë vit do të mbahet në Rusi.

Shefi i Komitetit Organizativ Lokal (LOC) Alexey Sorokin ka thënë se udhëheqësit e më shumë se 20 vendeve do të marrin pjesë në ndeshjen e parë të Kupës së Botës në Moskë.

"Unë mund të konfirmoj se më shumë se 20 krerë shtetesh do të ndjekin ceremoninë hapëse të Kupës së Botës.

"Është absolutisht normale që ndeshja e hapjes së Kupës Botërore, si dhe finalja, tërheq interes të madh nga udhëheqësit botërorë. Është e mrekullueshme që ngjarja do të ndiqet nga zyrtarë të lartë që do të kënaqen me futbollin dhe fitoren e ekipit rus, shpresoj ".-tha Sorokin.

Ceremonia e hapjes së Kupës së Botë do të mbahet të enjten në stadiumin e rinovuar të Luzhnikit vetëm 30 minuta para se vendasit të ndeshen me Arabinë Saudite për të shënuar fillimin e festivalit të muajit të gjatë të futbollit në Rusi.

Pjesë e ceremonisë hapëse do të jenë dhe ylli i popit, Robbie Williams dhe ikona e futbollit brazilian Ronaldo, së bashku me sopranin rus të njohur botërisht, Aida Garifullina.

/Ora News.tv/