Vetingu për kryegjyqtarin Fehmi Petku, hetohet transaksioni 520 mijë $ me "Vefa"
Kreu i Apelit për Krime të Rënda gjyqtari Fehmi Petku ka dalë në seancë dëgjimore para Komisionit të Pavarur të Kualifikimit. Sipas Inspektoriatit të Deklarimit të Pasurive gjyqtari kishte mungesë të burimeve të ligjshme, deklarim të rremë, fshehje pasurie për ¼ për tre troje e dy banesa.
Nga hetimi i KPK rezultoi se, familja Petku kishte kryer dhe një transaksion në vitin 1996 prej 520 mijë $ me firmën piramidale Vefa.
Vete gjyqtari argumentoi se familja e tij kishte punuar në miniera dhe kishin të ardhura të larta që i kishin shërbyer si burim për krijimin e pasurive pas viteve 1990.
Ai tha se në atë periudhë kishin blerë prona të cilat më pas i kishin shitur me çmimin e tregut dhe ato kishin qënë burim të pasurisë së tyre. Por në raportin e KPK-së thuhej se ndaj gjyqtarit kishte edhe 3 denoncime të cilat do të vlerësohen gjatë dhënies së vendimit final më datë 9 prill.
Në shpjegimet përfundimtarë para komisionit kryegjyqtari i cilësoi te pabazuara konkluzinet e reporti të KPK-së dhe kërkoi rikonfirmin në detyre. Petku drejton prej katër vitesh Gjykatën e Apelit për Krime te Rënda ku ka qënë edhe pjese e shqyrtimit të disa dosjeve te rëndësishme , aktualisht ai është edhe pjesë e treshes që po shqyrton dosjen Shullazi në këtë gjykatë.