Krimi mjedisor, Borchardt: Të zgjohesh nga një betoniere nuk është e këndshme
Krimet kundër mjedisit në bota rriten me 7% çdo vit, ndërsa shqiptarët duhet të sensibilizohen për të mos dëmtuar ambientin që i rrethon. Këto mesazhe u lëshuan nga kryetari i prezencës së OSBE, ambasadori Bernd Borchardt, i cili në ambientet e Akademisë së Arteve çeli ekzpositën e titulluar "Krimi Mjedisor".
Studentët e arteve kishin ekspozuar punimet e tyre me mesazhe sensibilizuese, ndërsa amasadori zgjidhi për simbolikë një betoniere, e mbushur me lule dhe jo me llaç.Ai u shpreh se nuk është aspak e këndshme të zgjohesh në mes të natës nga një mjet i tillë.
Bernd Borchardt: Krimi mjedisor njeh rritjen më të shpejtë në mbarë botën. Kombet e Bashkuara kanë përcaktuar se këto krime rriten me 7% çdo ditë. Të zgjohesh në mes të natës nga zhurma e një betoniereje nuk ëshë e këndshëm për askënd. Ka shumë shoqata dhe individë që merren me çështjet e mjedisit, por sërisht duhet bërë më tepër nga të gjithë.
Të tjera mesazhe u lëshuan nga orgaanizatorët. Në fund studentët garuan për të zgjedhur fituesin, ndërsa ftohen të gjithë ata që dëshirojnë të njihen me këto punime në galerinë FAB deri në 17 qershor.