KQZ nis ndryshimin e KZAZ-ve, votimi dhe numërimi në Kukës do të bëhen në ambient privat
Pas kërkesës së bashkive të djathta dhe të LSI për të tërhequr materialet zgjedhore nga shkollat, KQZ ka vendosur me 4 vota që votimi dhe numërimi me 30 qershor të realizohet në ambientet private.
Pas përplasjeve për KZAZ-të mes policisë së shtetit dhe bashkive që kërkojnë të zbatohet dekreti i Presidentit Meta për anulimin e zgjedhjeve, KQZ nis ndryshimin e ambienteve.
Me votën e kryetarit Klement Zgurit kundër, 4 anëtarët e tjerë të KQZ-së vendosen që materialet zgjedhore për Bashkinë e Kukësit të zhvendosen në një ambient privat në qytetin verilindor.
Klement Zgurit: "Nuk është diskutim në raport me kriteret ligjore. Unë jam kundër gjithsesi KQZ vendosi të caktojë vendin e numërimit të votave të KZAZ numër 11 në ambientet e ish hotel Drinit. Katër vota pro, një kundër, miratohet.”
Bashkitë e qeverisura nga kryebashkiakë të PD dhe LSI i kanë kërkuar KQZ-së që të largojnë materialet zgjedhore nga ambientet e bashkisë pas dekretit të Kreut të Shtetit.
Por ndryshe nga bashkitë, KQZ vijon me organizimin e zgjedhjeve vendore të 30 Qershorit, duke e quajtur nul vendimin e Presidentit. Të hënën pritet që dekreti i Metës të shqyrtohet në Kolegj Zgjedhor, pas ankimimit të bërë nga Partia Unitet Kombëtar.