Kapen me drogë, arrestohen 5 shpërndarës lënde narkotike
Policia ka ndërrmarë aksione në të gjithë vendin për arrestimin e shpërndarësve të drogës.
Në pranga kanë rënë 5 persona në Fier, Shkodër, Durrës dhe Himarë që janë kapur me lënde narkotike të ndara në doza të vogla.
"Në Fier u kapën dhe u arrestuan në flagrancë shtetasit: A.H., 38 vjeç, si dhe V.P., 55 vjeç, nga Fieri, pasi në aksin rrugor Levan-Tepelenë, në mjetin me të cilin udhëtonin, u gjet dhe sekuestrua 1 kg lëndë narkotike e dyshuar kanabis.
Në Shkodër u arrestua në flagrancë shtetasi E.C., 23 vjeç, pasi gjatë kontrollit iu gjetën në trup doza lënde narkotike kanabis, si dhe gjatë kontrollit të ushtruar në mjetin e tij janë gjetur edhe 73 doza të tjera me lëndë narkotike të dyshuar kanabis të futura në qese plastike.
Në Durrës u arrestua në flagrancë shtetasi M.V., 28 vjeç, pasi gjatë kontrollit personal i janë gjetur 9 doza me lëndë narkotike të dyshuar marijuanë, të futura në qese.
Në Himarë u arrestua shtetasi S.J., 28 vjeç, pasi gjatë kontrollit të ushtruar, iu gjetën dhe iu sekuestruan 100 doza lënde narkotike e dyshuar kanabis,"-raporton policia.