Kamza befason Kukësin, Sukaj rikthen Vllazninë tek 3-pikëshi
Rezultate surprizë në dy takimet e programuara për javën e 19-të të Kategorisë Superiore.
Në "Zeqir Ymeri" Kamza ka befasuar Kukësit, duke i mundur minimalisht 1 me 0. Goli i vetëm i takimit u shënua nga Rezi në minutën e 69-të. Pas pësimit të golit, verilindorët tentuan të reagojnë dhe në minutën e 81 ishin shumë pranë golit, por goditja e Donet Shkodrës u stampua në shtyllë.
Pas kësaj fitoreje Kamza ngjitet në kuotën e 29-të pikëve, aq sa Kukësi.
Vllaznia është rikthyer tek fitorja pas 3 takimesh. Kuqeblutë mundën pastër 2 me 0 Lushnjën.
Të dy golat u shënuan në fraksionin e dytë, dhe kishin autor Xhevahir Sukaj. Me këtë fitore Vllaznia del përkohësisht nga zona e ftohtë, me 18 pikë, +1 nga Teuta që pret në 17:00 Luftëtarin.