Debati më i fundit politik mbi çështjen e vëllait të Ministrit të Brendshëm ishte në fokus të emisionit "Ju flet Moska" të Kastriot Myftaraj.

Myftaraj: Debati mes opozitës dhe qeverisë për çështjen e vëllait të Ministrit të Punëve të Brendshme Fatmir Xhafaj ka arritur në një pikë që siç thuhet një fjalë në Hollyëood, e vërteta është më e çuditshme se çdo trillim i mendjes, fantazi.

Opozita iu rikthye këto ditë çështjes së dënimit në Itali të vëllait të Ministrit Agron Xhafaj dhe nga ana tjetër Ministri Fatmir Xhafaj thotë se në zyrat e shtetit ai nuk gjen asnjë letër për dënimin e vëllait të vet, pra nuk ka asnjë përgjegjësi. 

Vendimi është dhënë në 2012 i formës së prerë në Itali, por mesa duket vendimi i dënimit nuk ka hyrë në kanalet zyrtare për të ardhur në zyrat e shtetit shqiptar ku do të regjistrohej dhe duhet të merreshin masat e nevojshme. 

Kryeministri Rama dhe Ministri Xhafaj i thonë opozitës, ti ke qenë në pushtet kur u dha ky vendim prandaj nuk kemi asnjë përgjegjësi. Problemi është se këtu pëërgjegjësia është e dyfishtë, sepse që ekziston vendimi janë të vetëdijshëm edhe Rama dhe Xhafaj, pavarësisht lojërave të fjalëve që bëjnë me opozitën. 

Nëse është shitur ndonjë Ministër Drejtësie, në atë kohë ka qenë Eduard Halimi në 2012, dhe nuk ka kaluar vendimi në kanalet zyrtare, nuk është regjistruar, kjo nuk çliron nga përgjegjësia sot Edi Ramën dhe Fatmir Xhafaj.Kjo e shton përgjegjësinë, bën që ata të bëhen bashkëpërgjegjës bashkë me Halimin.Gjithçka po reduktohet në një luftë me kode mafioze.

Po të jetë për mosekzistencë, nuk ekziston as vëllai i Ministrit Agron Xhafaj, shteti shqiptar sot nuk ka nderin e posaçëm të ketë një qytetar me emrin Agron Sezai Xhafaj, po përmend dhe emrin e babait. Ky është fakt i regjistrit të gjendjes civile. Është gjallë por nuk ekziston dhe kjo jo se ka hequr dorë nga shtetësia shqiptare por zotëria në fjalë ka një emër tjetër. 

Pyetja është: Ministri i Brendshëm që është përgjegjësi kryesor për të arrestuar njeriun i cili kërkohet në Itali pavarësisht se nuk është regjistruar zyrtarisht në kërkim në Shqipëri, ky Ministër për të cilin ka konçiduar të jetë vëllai i tij, a e di emrin e ri që ka vëllai. Këto nuk janë përgjegjësi të opozitës.


/Ora News.tv/