Itali, marokeni vret gruan shqiptare në sy të fëmijës
Një shqiptare 34 vjecare ka ndërruar jetë në spitalin San Gerardo të Monzës pasi është qëlluar me thikë për vdekje nga bashkëshorti i saj.
34 vjeçarja, e identifikuar si Fioralba.N ishte e martuar me një 35 vjeçar me origjinë nga Maroku.
Çifti jetonte në komunën e Seregnos në provincën e Monzës dhe ata ishin drejt divorcit, pasi kishin 2 muaj që nuk jetonin bashkë.
Çifti ka një djalë 5 vjecar.
Krimi ka ndodhur pasditen e sotme pas një grindje në makinë, e në praninë e djalit të tyre.
34 vjecarja është gjetur në gjëndje mjaft të rëndë në makinën tip Chevrolet e parkuar pranë banesës së ciftit. Ajo ka ndërruar jetë në spital.