Itali, makina përplas tre shqiptarë, njëri vdes

 Një 24 vjeçar italian është ndaluar nga policia italiane pasi ka aksidentuar rëndë 3 emigrantë shqiptarë që me biçikleta po udhëtonin drejt vendit të tyre të punës.

Njëri prej shqiptarëve i moshës 26 vjeç ka ndërruar jetë në spital, ndërsa dy të tjerët janë në gjëndje të rëndë por jashtë rrezikut për jetën.

Tre emigrantët shqiptarë punonin në një fermë në rajonin e Kampanjës.

Ngjarja ka ndodhur në rrugën që lidh Napolin me Kazertën.

Pasi ka akisdentuar 3 shqiptarët, i riu italian nuk ka ndaluar për t'i ardhur në ndihmë por është larguar me shpejtësi duke dërguar makinën tek mekaniku për ta sistemuar nga dëmet e aksidentit.

Identifikimi i automjetit u bë falë kamerave të sigurisë së rrugës.  24 vjeçari italian është ndaluar në flagrancë në ofiçinën ku kishte dërgaur makinën për ta riparuar.

Ai ka pranuar fajësinë e është vënë në urdhrin e arrestit shtëpiak në dispozicion të autoriteteve gjyqësore.

Policia italiane ka vërtetuar gjithashtu se motori i automjetit ishte i trukuar.

EMISIONET