Itali, 33-vjeçari i larguar nga spitali gjendet i vetëvarur në pemë
Një 33 vjeçar shqiptar është gjetur i vetëvarur rreth orës 11:00 të mëngjesit të sotëm në një pemë në oborrin e spitalit "Perrino" të qytetit të Brindizit në afërsi të pavionit të Radioterapisë.
33 vjeçari shqiptar kishte hyrë në Itali me një vizitë turistike e nuk ka asnjë familjar apo të afërm në territorin italian.
Mbi trupin e viktimës nuk janë gjetur shenja dhune që dëshmon vetëvrasjen e tij. Motivet e këtij akti ekstrem janë ende për t'u zbardhur.
Në veshjen e 33 vjeçarit shqiptar janë gjetur vetëm dokumentat e tij dhe një biletë autobusi për Shqipëri, blerë në qytetin e Romës.
Policia italiane ka informuar Konsullatën Shqiptare për të lajmëruar të afërmit e tij në Shqipëri.
Një natë më parë, 33 vjeçarit shqiptar i ishte dhënë ndihma e shpejtë në afërsi të portit të Brindisit.
Është dërguar më pas në spital. Në pritje të mjekimit është larguar duke humbur gjurmët deri paraditen e sotme kur trupi i tij i pajetë u gjet i varur në pemë.