Ishte bllokuar në malin e Çikës, alpinistja transportohet me helikopter
Nga OraNews Përditësimi i fundit 13 Janar 2019, 21:23
Ekipi mjekësor i Qendrës Kombëtare të Urgjencës Mjekësore ka bërë të mundur transportimin e një alpinistje 31-vjeçare e cila ishte bllokuar prej tre orësh në malin e Çikës në Llogara të Vlorës.
Marrja e pacientes është bërë në një terren shumë të vështirë.
Ajo ka pësuar një traumë kranike, VLC të fytyrës dhe traumë të baçinit.
Alpinistja u trajtua nga ekipi mjekësor dhe më pas u shoqërua në spitalin e Traumës në Tiranë, ku është jashtë rrezikut për jetën.