Humbja në gjysmëfinalen e Kupës së Botës ka zhgënjyer jo pak sulmuesin kryesorë të Anglisë, Harry Kane. Golashënuesi më i mirë në turneun rus është shprehur se disfata me Kroacinë dhemb shumë.

"Ka qenë një garë e mahnitshme, por ajo dhemb kur e humb, me të vërtetë dhemb. Ne donim të vazhdonim dhe ta fitonim atë dhe menduam se kishim mjaft për të kaluar, por nuk duhej të ishte. Në ndeshjet e mëdha, diferencat e vogla e bëjnë diferencën dhe ata kanë një top që ra në fund dhe ai e mbylli atë. Ne luajtëm mirë në fillim dhe në kohën shtesë, por humbëm disa shanse për t'i vrarë.

"Ka shumë mësime për të marrë nga ky turne. Është një gur i madh nga dy vjet më parë. Është e vështirë, ne jemi ende të ri. Kemi punuar kaq shumë dhe tifozët ishin të mahnitshëm. Ishte një lojë e vështirë, një lojë 50-50. Jam i sigurtë se do të kthehemi prapa dhe ka gjëra që mund të kemi bërë më mirë, dhemb, dhemb shumë, por mund t'i mbajmë lart. Kemi shkuar më tej se shumë njerëz mendonin se do të bënim.

"Ne krijuam disa shanse të mira duke arritur të kalojmë në avantazh. Mund të kishim bërë më mirë, por ata luajtën më mirë. Është e qartë se ka qenë e mrekullueshme të arrijmë në këtë fazë, por ne kemi dashur të fitojmë. Kjo tregon se ne mund të jemi këtu, që të mund të fitojmë ndeshje, të arrijmë në gjysmëfinale dhe hapi tjetër është të shkojmë një hap më tej. Një themel i shkëlqyeshëm është hedhur. Ne jemi krenarë për atë që kemi arritur, por ne kemi dashur më shumë dhe jemi të trishtuar që nuk mund t'u japim tifozëve tanë një finale".-deklaroi Kane.

Anglia, e cila më parë arriti në gjysmëfinale të Kupës së Botës në vitin 1990, tani do të luajë kundër Belgjikës në finalen e vogël të shtunën në "Shën Petersburg".

/Ora News.tv/