Haradinaj: SHBA është kundër zgjidhjes ku preken territoret dhe kufijtë

Haradinaj: SHBA është kundër zgjidhjes ku preken territoret dhe

Kryeministri i Kosovës Ramush Haradinaj, ka thënë se është e domosdoshme që të arrihet një marrëveshje ligjore – obligative mes Kosovës dhe Serbisë, por që ajo të bëhet pa prekur kufijtë.

“Nuk mendojmë se deri te marrëveshja duhet të arrihet duke folur për territore apo kufij. Sjellja në tavolinë në rrugën drejt zgjidhjes e kufijve është gabim dhe kthim prapa që na çon ka tragjeditë. Populli nuk meriton të përballet me të kaluarën”, ka thënë Haradinaj, njofton Klan Kosova.

“Kam pasur rastin të dialogoj me zyrtarë nga Departamenti Amerikan i Shtetit. Ata nuk sugjerojnë zgjidhje me territore apo kufij, por që kanë thënë se ju kemi lënë hapësirë liderëve që të arrijnë një zgjidhje të implemntueshme që nuk destabilizon dhe është e pranueshme prej të tjerëve”, është shprehur Haradinaj.

Haradinaj ka thënë se e kupton shqetësimin e Berlinit zyrtar se ndryshimi i kufijve është kthim pas në kohë dhe që sjell tragjedi.

“Ne duhet t’i kryejmë punët e shpish. Për Serbinë është më lehtë ta njohë Kosovën nëse i kryen punët e veta. Nuk mendoj se po shkojmë kah zgjidhja kur hapim temën e kufijve. Nuk shoh arsye që Kosova të hyjë në hapjen e asaj që e ka arrit njëherë. Duhet të diskutohet vetëm njohja reciproke”.

“Mendoj se retorika rreth ndarjes, territori dhe korrigjimi është presion mbi Kosovën. Do të mbetem në pozicionin e sotëm që territori është i padiskutueshëm, e kemi kryer me 1999 dhe tash duhet të flasim vetëm për njohje reciproke. Jemi të gatshëm të kemi mirëkuptmin më të madh për serbët e Kosovës për jetë në Kosovë, por nuk jemi të gatshëm që duke iu dhënë serbëve të drejta të caktuara ta defunksionalizojmë shtetësinë e Kosovës. Ne mendojmë se është e papranueshme që të diskutohet për diçka që kemi rënë dakord”, tha Haradinaj.

Haradinaj ka thënë se Kushtetua, territori nuk janë çështje që duhet të rihapen.

EMISIONET