Protestat në Shqipëri, Hahn: Imazhi, ndikim të madh te vendimmarrësit në BE

Protestat në Shqipëri, Hahn: Imazhi, ndikim të madh te

Imazhi aktual i Shqipërisë e vështirëson një vendim pozitiv për hapjen e negociatave. Komisioneri për zgjerim Johannes Hahn në një intervistë për Deutsche Welle thotë se një pamje thotë më shumë se një mijë fjalë.

Hahn: Natyrisht. Imazhi që lë një vend ka ndikim shumë të madh te vendimmarrësit në Bashkimin Evropian. Këta janë përfaqësuesit e popullit dhe qytetari i thjeshtë që shikon pamjet e transmetuara në televizion e ka të vështirë ta kuptojë kur dëgjon se ky vend na qenka gati për të filluar bisedimet e anëtarësimit në BE. Pra, edhe një herë apeli im për përgjegjësit është që të jenë të vetëdijshëm për këtë situatë dhe se dihet që një pamje flet më shumë se njëmijë fjalë.

Zyrtari i lartë i Bashkimit Evropian thotë se është detyrë e qeverisë që t'i afrohet opozitës dhe detyrë e opozitës që të vetëpërfshihet në mënyrë konstruktive.

Hahn: Në rastin e Shqipërisë, dhe kjo vlen edhe për vendet e tjera të Ballkanit Perëndimor, mendoj se është perspektiva evropiane motivi kryesor dhe në këtë drejtim unë mund t'i inkurajoj të gjithë përgjegjësit politikë që t'i kthehen punës parlamentare. Është detyrë e qeverisë që t'i afrohet opozitës dhe detyrë e opozitës që të vetëpërfshihet në mënyrë konstruktive, kritike por edhe të angazhuar. Kemi të bëjmë edhe me imazhin që jep Shqipëria në planin ndërkombëtar.

I pyetur nëse ekziston mundësia që Maqedonia e Veriut të trajtohet më vete, sa i takon hapjes së negociatave, Hahn tha:

Hahn: Synimi im është që të dy këto vende të trajtohen njëherazi, sepse edhe raportet do të vendosen njëherazi. Por unë nuk mund ta parashikoj se si do të vendosin vendet anëtare. Fakt është se Maqedonia e Veriut ka kontribuar shumë dhe konkretisht, jo vetëm në kuadër të kërkesave tona, por edhe duke kapërcyer grindjen për çështjen e emrit, por edhe me kapërcimin e konfliktit dypalësh me Bullgarinë, Maqedonia e Veriut ka krijuar kushtet që të jetë papritmas i vetmi vend në rajon, që nuk ka asnjë konflikt me fqinjët.

EMISIONET